O grupo Airiños de Valverde creouse en Traba no ano 2005. O que comeza sendo unhas clases de pandereta convertese, grazas a súa mestra Noelia Romar, nun grupo de música tradicional galega para os que os seus pimeiros pasos será a recuperación de Cantigas Tradicionais do Val de Traba.
Na actualidade o grupo conta cuns 20 compoñentes entre nenos e maiores. O seu debut tivo lugar no festival de Traba Folk na edición do ano 2006 ainda que participaran antes na Festa dos Maiores 2005 do Concello de Laxe. A súa vindeira actuación terá lugar na celebración da festa do Entroido de Laxe 2007.
